Toplam
:
242879 ziyaretçi
Bugün
:
146 ziyaretçi
Dün
:
335 ziyaretçi
Sayfa 0.81 saniyede yüklendi
    Günün Sözü Â»   
Olmaya Devlet Cihanda Bir Nefes Sihhat Gibi

 

Halk içinde muteber bir nesne yok devlet gibi
Olmaya devlet cihânda bir nefes sıhhat gibi

Mefharet didükleri ancak cihân gavgasıdur
Olmaya baht ü saâdet dünyada vahdet gibi

Ko bu ıyş u işreti çünkim fenâdur âkibet
Yâr-i bâki ister isen olmaya tâat gibi



Olsa kumlar sağışınca ömrüne hadd ü adet
Gelmeye  bu şîşe-i çarh içre bu sâat gibi

Ger huzur itmek dilersen ey Muhibbî fâriğ ol
Olmaya vahdet makamı kûşe-i uzlet gibi

---------------------------

Zülfine virdüm gönül dâm-ı belâsın bilmedüm
Her kılında var imiş bin müptelâsın bilmedüm

Cân ü dil derdüni arz itdüm tabibâ dir bana
Ölmeden artık bu derdün ben devâsın bilmedüm

Gâh hasret gâh hayret gâh mihnet gâh âh
Aşkının ben haste dil bunca belâsın bilmedüm

Ömrümi âşıkların kesmek değülse kasdı ger
Ya niçün her dem keser zülfi dütâsın bilmedüm

Cür’a-i câm-ı muhabbetden Muhibbî mest olup 
Âlemin nice geçer ak u karasın bilmedüm
                                                   Kanuni Sultan Süleyman


         
Akgün Yazılım © 2013